Fusa Kraftlag har også i år vedteke å bruka delar av avkastninga av fondskapitalen som tilskot til allmennyttige føremål.
Intensjonen frå Kraftlagets side ved å dela ut pengar til allmennyttige føremål, er å inspirera innbyggjarane til å delta i frivilleg arbeid som aukar livskvaliteten for innbyggjarane i Fusa Kommune.
Regjeringa har bestemt at det frå 1/1-2012 skal innførast elsertifikat i den norske kraftmarknaden. Hensikten med å innføra ordninga, er å gjera det meir lønnsomt å byggja ut ny, fornybar kraft, ved at nye kraftanlegg får selja sertifikat som kan gje ei høgare inntekt på den nye produksjonen. Kraftdistributørane blir samtidig pålagt å kjøpa slike sertifikat for sin leveranse til sluttbrukarane. Kostnaden som distributøren har til å kjøpa inn elsertifikat, skal takast inn igjen hos sluttbrukaren. Kostnaden med elsertifikat blir derfor ein del av kraftprisen frå 1/1-2012.
