Nettkundane får tildelt 3,7 mill. kroner i tariffstøtte for 2012

Føremålet med tariffstøtta frå Staten er å redusera nettariffane til nettkundane som er  tilknytt distribusjonsnettet i område av landet med høge kostnader ved distribusjon av elektrisk kraft. Midlar til ordninga vert gjeve over statsbudsjettet. I 2012 har Regjeringa samla  løyvt  120 mill. kr i tariffstøtte.

NVE har meldt  om at nettkundane i vårt område får tildelt 3,7 mill. kroner i tariffstøtte i 2012. Tariffstøtta skal uavkorta komma nettkundane til gode,  og har medført at vår nettleige for 2012 i gjennomsnitt er 4,8 øre/kWh lavare enn kva  den ville vore utan tariffstøtta. I 2012 set Fusa Kraftlag ned nettariffen for hushaldningar med 2,5øre/kWh. Dette kjem  i tillegg til prisnedsettinga i 2011 som var 3 øre/kWh. Samla utgjer dette ein reduksjon på ca. 18% ex. avgifter. På årsbasis utgjer dette ein reduksjon i utgiftene for ein hushaldning på 1.375 kroner (inkl. avgifter).

Viser ellers  til NVE si  heimeside, for meir informasjon om saka. (http://www.nve.nokraftmarked/regulering-av-nettselskapene/tariffutjevning/)     

Spørsmål om saka kan også rettast  til Fusa Kraftlag SA på telefon 56580020 eller e-post firmapost@fusa-kraftlag.no