Fusa Kraftlag er i fylgje Tilsynslova pålagd å føra tilsyn med elektriske anlegg i sitt forsyningsområde. Dette vert ivareteke av Det lokale eltilsyn (DLE).
Det lokale eltilsyn er ein del av det offentlege tilsynsapparatet for elsikring og utfører tilsyn på vegne av Direktoratet for Samfunnssikkerhet og Beredskap (DSB).
DLE sine arbeidsoppgåver omfattar kontroll av elektriske anlegg, tilsyn med verksemder sitt helse- miljø- og sikkerhetsarbeid (internkontroll) og tilsyn med verksemder som omset elektrisk utstyr (Markedskontroll). DLE står til disposisjon for lensmannen ved brannetterforskning og driv informasjon om elsikring.
Regjeringa har bestemt at det frå 1/1-2012 skal innførast elsertifikat i den norske kraftmarknaden. Hensikten med å innføra ordninga, er å gjera det meir lønnsomt å byggja ut ny, fornybar kraft, ved at nye kraftanlegg får selja sertifikat som kan gje ei høgare inntekt på den nye produksjonen. Kraftdistributørane blir samtidig pålagt å kjøpa slike sertifikat for sin leveranse til sluttbrukarane. Kostnaden som distributøren har til å kjøpa inn elsertifikat, skal takast inn igjen hos sluttbrukaren. Kostnaden med elsertifikat blir derfor ein del av kraftprisen frå 1/1-2012.
