Kraftlevering frå Fusa Kraftlag

Fusa Kraftlag handlar kraft gjennom Kraftalliansen, som er eit samarbeid mellom 28 kraftselskap over heile landet. Det praktiske arbeidet med å administrera krafthandelen vert utført av Fjordkraft på vegne av alliansen.

Til privatmarknaden har vi valgt å satsa på produktet Garantikraft som kort fortalt er slik at du som kunde følgjer prisutviklinga på kraftbørsen, men at det vert  sett eit tak på kor høgt kraftprisen kan gå.

Pristaket vert sett for eit år av gangen, men det er tilpassa etter kostnaden for å kjøpa denne sikringa. Informasjon om pristaket vert sendt ut kvar gong det er endring.

For næringskundar tilbyr vi produktet Forvaltningskraft. Dette produktet er kraft til spotpris, med risikostyring. I det siste ligg  at krafthandlarane kjøper kraft i spotmarknaden og prissikrar leveransen ved å handla opsjonar i den finansielle kraftmarknaden. Målet med produktet er å sikra kundene ein pris med moderate variasjonar.