Ungdomsstipend
I 2022 mottok Melina Berntsen Mol ungdomsstipend frå Fusa kraftlag.
Har du ei stor interesse innan kultur eller idrett som du ynskjer å satsa på?
Då kan du søkja ungdomsstipend frå Fusa kraftlag!
Søknadsfrist: 01.10.23
Slik søkjer du
For å søkja må du vera mellom 16-30 år og heimehøyrande i tidlegare Fusa Kommune.
I søknaden ynskjer me opplysningar om deg og grunnlaget for søknaden din. Skriv litt om oppnådde resultat til no, mål for framtida og kva planar du har for bruk av stipendet.
Send utfyllande søknad til post@fusa-kraftlag.no
Meir informasjon om stipendet
Styret i Fusa Kraftlag SA har vedteke å dela ut ungdomsstipend til ungdom heimehøyrande i tidlegare Fusa kommune. Stipenda kan delast ut til ungdom i alderen 16–30 år som har utmerka seg på eit høgt nivå innan idrett eller kultur. Stipenda skal stimulera til vidareutvikling.
Fusa Kraftlag kan årleg dela ut inntil 4 ungdomsstipend à kr. 25.000,-. Tildelinga vert gjort ein gong pr år, på hausten. Dette vert annonsert i lokalpressa og på heimesidene til kraftlaget.
Dersom nemda for tildeling meina at ingen av søknadane støttar krava, fell tildeliga bort det året.
Ein person kan ikkje motta ungdomsstipendet meir enn ein gong.